意外保險注意事項

意外保險保費非常便宜，平均幾十蚊一個月就買到，相信不少讀者都有投保。意外係保險界嘅定義指「發生不能預見及突如其來的事件，且獨立地導致受保人受傷的直接及唯一原因」。不過保單實際內容保啲咩呢？一般來講，意外保險有三個重點大家要搞清楚，唔好以為買咗就咩都可以賠得到！

1）大意外 點先為大意外？到底點定義？簡單來講就係導致受保人傷殘，例如失明、失聰、斷肢，甚至意外死亡等。如果不幸發生以上情況，保險公司就會按比例一筆過賠償比受保人。

2）小意外 好多時日常生活當中，難免出現嚴重程度較低嘅小意外，例如做運動跌傷、做家務扭傷等等。呢一類型嘅意外，一般來講受傷後都係可痊癒，所以我地稱為小意外。舉兩個例子，因為做家務時扭傷，需要睇跌打；又或者交通意外而骨折，需要入住醫院，呢個時候就可以用到「意外醫療費用」去賠償，實報實銷。

3）意外入息 不論發生大意外還是小意外，都有機會令我哋無法工作，以致「手停口停」。呢個時候，意外入息就幫手啦！不同嘅計劃有不同嘅計算方法，分別可以以日計、以星期計或以月計，去賠償本來工作應有嘅收入。

大家可以留意返自己買嘅意外保險所保障範圍，一般來講多數都包到「大意外」，但「小意外」同「意外入息」就未必係保障範圍之內。除左聽取專業人士意見外，建議大家要多了解自己已有嘅保障，一旦發生意外，亦知道能否索償。

如果買保險上或者想整合現有保單 歡迎聯絡我哋提供意見💁‍♀ 👍🏻FB專頁：理財公主病 📲WhatsApp: 51659703 https://api.whatsapp.com/send?phone=85251659703

免責聲明：＊以上資料只供參考。 本專頁一切言論並不構成任何要約，招攬，邀請，誘使或任何建議及推薦。讀者請獨立思考及自行作出決定，如因相關言論或文章招致任何損失，概與本專頁無關。 理財公主病

資料來源： 圖A：友邦保險「自選人身意外保險 2」 圖B：富通保險「綜合意外」保障計劃 圖C：藍十字個人意外保險