強積金－你不知道的兩三事

1️⃣點解Agent咁鍾意話免費整合？🤔 確實轉基金係唔會收任何費用，咁agent咪做義工？但講真呢個世界又點會有免費午餐呢？其實每次轉換，基金公司都會有少少佣金或者incentive比返agent，但放心對你係絕對唔會有收費，或者扣你強積金。

2️⃣係咪真係唔洗理？🤷🏻‍♀️ 當然唔係，亦都唔好完全信曬agent🙅🏻‍♀️。因為每間公司基金表現都唔同，例如投資目標同埋性質都會影響return。就算兩間公司投資同一個market，佢哋表現都可能相差好遠！（例如有投資香港市場基金，最好同最差表現可以相差100％）😱

3️⃣回報高低你要知📊 強積金簡單來講就即係投資基金，每隻基金所投資目標唔同，就會影響回報同埋風險等因素。假設你揀隻基金投資股票，回報及風險都自然較高📈；如果投資債券，風險會較低，回報自然相對較低📉。

4️⃣保證基金真係保證？🧐 保證基金就係幫你保本💰，但係呢類基金都有分Hard guarantee同Soft guarantee，兩者又有咩分別呢？簡單講，Hard guarantee就係無論你買呢隻基金幾長時間，就算佢跌都好，都一定會幫你保本，但如果隻基金升，仲會有賺（不過難啲）；而Soft guarantee就係指一定要買呢隻基金一定年期，先會保本，若果未夠年期就轉走，咁就要睇返當時基金價格（好大機會都係跌）。所以保證都未必一定係保到本，要小心呀！👀

5️⃣手續費？管理費？轉基金有無收費？💸 基金公司又點會做免費生意呢？每隻基金都會有收費，幾多就每隻都唔同。轉基金還是轉公司，都唔會有額外收費。但如果你揀咗隻升幅仲少過手續費，咁就變相蝕錢啦🤕

6️⃣強積金咩玩法？📕📗📘📙 簡單當係買基金，先睇準市場，再去揀返係果個市場表現好嘅公司同基金！其實都有網站列出曬唔同基金表現，可以作一個參考📖（搵唔到可以問我） . 如果做過幾份工，都好有可能有幾個MPF戶口，分散曬好難管理，所以可以考慮下做整合，但一定要謹慎揀邊間公司。如果覺得好煩，唔緊要！pm我，等本病人幫你處理😝

------------------------------------------------- 👍🏻即刻讚好、追蹤《理財公主病》 🔛Facebook: 理財公主病 Wealthy Princess 🔛Instagram: wp_ill 💌：iamwealthyprincess@gmail.com 唔係好野，本病人絕對唔會介紹😎