嘩！買定期人壽都有得拎返？

有好多人都會買人壽保險作槓桿，真係唔好彩嘅情況下都可以留到一筆錢比屋企人💰尤其是自己係家庭支柱，有供樓同要供養父母/子女就更加需要買一份人壽作個保障👨‍👩‍👧‍👦基本上定期人壽都會係無得拎返錢，但亦都有保險公司出咗一啲人壽計劃係可以拎返所有保費💰

定期人壽屬於消費型保險💸 唔難負擔，要供樓既可以買一份係一個最壞情況下都唔洗家人擔心😌亦都有年紀比較大既父母買一份，去留返比子女。咁可能你會問，如果可以拎得返d錢，保費係咪好貴🤑不如比個實際例子你啦！

以一個30歲女性👩🏻200萬保額供20年為例：

1)一般定期人壽形式，即無得拎返錢。保費就係每月約$152.52，每年$1640.66。 20年總保費：$32813.2

2)用一個refundable形式，即期滿可以拎返錢。保費為$726.96，每年$8073。 20年總保費：$161460

以一個50歲男性👨🏻100萬保額供20年為例：

1)一般定期人壽形式，即無得拎返錢。保費就係每月約$669.13，每年$8029.56。 20年總保費：$160591.2

2)用一個refundable形式，即期滿可以拎返錢。保費為$1163.76，每年$12928.5。 20年總保費：$258570

就以上例子來講👆🏻不同年紀保費上相差亦大有不同。不過一個可以拎返，一個就無。 本病人認為以上兩種各有各好處💁🏻‍♀️值唔值得為左3萬幾蚊去將10幾萬鎖20年就係另一回事，每個人都唔同睇法。係投資角度上，將呢10幾萬放去投資，20年可能升唔止賺3萬幾。但係一個保守角度上，投資會有風險，所以近乎無風險地去供人壽就比較穩陣👀