保險公司排名
- 理財筆記保
- Dec 17, 2018
- 2 min read
小編早幾日排隊食野時，聽到身後有2位食客係到討論緊醫療保險。佢地考慮保險公司規模、公司業務性質等。坦白講，短短幾分鐘嘅對話中，發現佢地有不少誤解，小編藉此想同大家分享少少資訊。
1. Agent與Broker 主要來講，客人一般有幾個途徑去投保， 如直接打上去保險公司、搵Agent或搵Broker。Agent即係代理人，而Broker係經紀人。Agent只會代表一間公司，只可以提供到一間公司產品，當然會比較熟悉所屬公司產品；Broker就係一個中介人，可以同時提供到不同公司計劃。以香港為例，有啲保險公司並無自己Agent，主要就係靠Broker去做生意。如果想有人跟，就要搵Broker幫手啦！
2. 公司業務性質 每一間保險公司都有唔同取態，有啲就乜類型都做，有啲可能專做醫療保險。當然唔係話專做一種保險就一定係最好，或者乜都做就唔夠專業，每一間公司都有佢優劣點。
3. 公司規模 呢點係小編特別想同大家分享！香港顧客絕大部分去認識某個品牌最主要就係透過廣告。好容易有一個錯覺就係賣得多廣告嘅品牌一般都係大公司，佢嘅產品就係好，對保險公司觀點亦一樣。小編係2018年「財富500強」中，抽出入圍而且香港人較熟悉嘅保險公司。
其實有好多世界排名前列嘅保險公司由於缺乏廣告，所以係香港並唔出名。當然呢啲排名只係取決於收入或市值去排名，但實際計劃內容並唔係話公司大就係好，公司細或無入圍公司產品就係差，始終每間公司各有優劣，都要好好了解不同特點，唔好淨係聽人地講呀！
如果有任何理財或保險資訊想知道 或者想整合現有保單 歡迎聯絡我哋提供意見💁♀ 👍🏻FB專頁：理財公主病 📲WhatsApp: 51659703 https://api.whatsapp.com/send?phone=85251659703
免責聲明：＊以上資料只供參考。 本專頁一切言論並不構成任何要約，招攬，邀請，誘使或任何建議及推薦。
讀者請獨立思考及自行作出決定，如因相關言論或文章招致任何損失，概與本專頁無關。 理財公主病
Comments