醫療保險大房plan比較

市面上嘅醫療保險五花八門👀 高端、中端、自願醫保等等亦有分大房、半私家房及私家房好多人都覺得好混亂唔知道邊個計劃適合自己今次同大家比較「大房Plan」盡可能用最低成本就有醫療保障注意事項：一・留意等候期及住院時數限制有啲計劃需要係生效期後再等「等候期」先有醫療保障，若等候期期間入院，所有開支都不獲賠償！另外仲要注意「住院時數限制」，如六小時、十二小時等，若果入院時間不足，入院開支亦有機會claim唔到！二・注意保障計算方法每個計劃嘅保障項目係賠償上都有唔同計法，如每年、每病症、每年每病症、每手術等。例如每年計，如果個年已用盡保障額，就要等下一年度先可以再用。每病症就係指係計劃受保期間，對該病症只會有指定金額賠償。對一啲長期病來講，呢種計法就會無咁好啦！三・手術複雜每種手術複雜程度係視乎保險公司而定，有需要時可參考保險條款，大約估計可賠償金額。手術一般分為四個程度，分别係複雜、大型、中型及小型，如照腸鏡胃鏡屬於小型手術（12.5%）；需開刀心臟手術則屬複雜手術（100%）。四・附加醫療保障基本計劃可選加購附加醫療保障(SMM)，若超出基本計劃可賠償範圍，餘額將會於此部分賠償，一般賠償率為8成。基本計劃好多時都未必賠得足，所以有需要都可以買埋。