Agent同Broker，有咩分別？

唔知大家平時經咩途徑買保險呢🤔 相信出街問10個人有9個都話係搵agent或者保險經紀買。 但可能10個有9個都唔知agent同經紀其實係兩種職業✌🏻等我話你知佢地有咩分別啦💁🏻‍♀ . Agent嘅正確中文名係保險代理人👩🏻‍💼👨🏻‍💼亦即係平時掛住各大保險公司牌子賣保險比你嘅中介人，由於佢地係保險公司嘅營業代表，所以佢地代表嘅係保險公司一方📌而佢地嘅職責係推介自己公司嘅產品比客人； . 而Broker或者IFA先至係大家平時講嘅經紀👩🏻‍💻👨🏻‍💻佢地代表嘅係客人一方，職責係就住客人實際情況同需要，幫客人從市面上唔同嘅保險公司產品中做比較⚖ 揀出適合客人嘅計劃。而IFA除左會提供Broker服務外，更可以提供理財策劃服務📊令客人無需要搵唔同人去應付唔同需要。 . 相信大家睇完上面嘅介紹之後，都會對Agent、Broker或者IFA嘅分別有較清晰嘅了解，所以大家下次需要買保險時，應該先考慮清楚自己需要，再決定應該搵Agent定Broker提供意見